ABC Remiandu

Mba'evete ýrô, ára ohasa vaekuépe, senadora Lilian Samaniego, Partido Colorado tendota, osê he'i ndoguerekoiha mba'evete he'ívaerâ ivaíva umi mokôi tapicha Corte Suprema de Justicia peguáre, ha upéicha ohechauka ñlandéve opavave paraguayo kuérape mba'eichaitépa umi político kuéra omoinge ipo ñande Justicia ryepýpe ojapo haguâ ojaposéva hikuéi. Péicha jahecha, jaikuaa ha ñahendu mba'éichapa oiko tembiguái umi justicia ojapo vaerâgui, ha mba'éichapa ojeguereko chupe kuéra pokyráicha omba'apo vaerâ ani haguâ umi político kuéra ipochy hesekuéra ha ojapo vaerâ ko'âva he'íva ha oipotáva. Ko'â moñái ñane retâme gua ningo ha'e politico kuéra, omokangýva ha omokarêva ñande justicia, omoñesûka umi juez ha ministro kuérape henondépe, ha oajpoka chupekuéra oipotáva. Péicha ningo ñane retâ ndoguereko mo'âi sasô, ñañeñapytîta ko'â  político poder-pe, ha upéa ndaiporâi avavepe. Tekotevê ñaikitî upe sâ ñandeñapytîva politiquería rehe ha upéicha añoite jaguerekóta Justicia porâ, opavavetépe guarâ.