Juez Domingo Vera, de Puerto Casado, ombohape medida cautelar opresentáva Elva Bordón, mbo'ehára oîva afectada oñembyasýva ko Situación. Peteî mba'apohára ANDE-gua omoî jey medidor umi mbo'ehára mokõi rógape oguerahava'ekue upe octubre 2017 jave, supuestamente ojerurégui pe intendenta Mirna Orrego (ANR).
Jefe distrital ANDE-gua, Luis Trinidad, omoañte institución ohova'ekue oikytî medidor péva jefa comunal ome'êvo terreno oikohápe joyke'y Elva ha Myrian Bordón ndorekóiva orden de ocupación ha oimehaguépe yvy municipal-pe.
Mbo'ehára Elva he'i ary 2009 jave intendente Saturnino Bogado ome'ê ichupe ha ikypy'ýpe orden de ocupación mokõi terreno, peteî hérape ha ambue ambuépe.
Kuñakarai intendenta he'i ndaipóriha kuatia, ha ndojehejáiha ichupe mb'eveichagua kuatia.